متابعه .. أحمد علي
اللي في الشوارع دول مش معوزين ولا محتاجين ولا غلابه دول عصابات منظمة ممنهجة وليهم تنظيم ممنهج
انت بغض النظر عن نيتك وانت بتدي للعصابات دي فلوس انت بتساهم في جرايم خطف اطفال و تعذيب وتجارة مخدرات
ودعاره وسرقة
لان كل الشحاتين دول بيحسنو دخلهم عن طريق جرايم تانيه اضافيه زي اللي قلتها
مفيش متسولين في الشوارع دول عصابات مفيش فقرا بيشحتو دول عصابات .
المتسولين دول ليهم اماكن مفضله وبيزعو المناطق على بعض
وبيدفعو اتاوات وليهم المواسم بتاعتهم ، وبيختار مين يروح مناطق ايه ، عارفين ازاي يخلوك تضعف الاماكن الراقيه يبعتو اطفال بعاهات
اماكن الترفيه
المقابر
المستشفيات
محلات الاكل
الكافيهات
والقائمة تطول.
وفي تسعيره للشيخ و الطفل و المرأة
وللعاهات والتشوهات،
حاجة للتوضيح مش كل الاطفال اللي بتشوفوهم مع متسولين ومش شبهم بيكونو محطةفين
في اهالي بيأجرو عيالهم للشحاتين وليهم تسعيره حسب جمال الطفل
علشان كده في حالات كتير الشرطة مش بتتحرك حتى لو قدمت بلاغ
لانه في الغالب بيطلع عيل متأجر من اهله
بياخد مبلغ يبدأ من ٥٠ جنيه ووجبه لليوم ودي معلومه بالمناسبة،
وفي ناس بتنزل تشحت في المواسم بس وفي ناس بتنزل مره في الاسبوع بس وكله ليه تسعيره و بتدفع نسبه للي مدور اليومية .
وفي بينهم حروب لما حد يتعدى على منطقة حد بتوصل للدبح بالمطاوي و التشويه بميه النار
والشرطه من وقت للتاني وخصوصا في رمضان بيجيلهم بلاغات بخناقات بين المتسولين وفي اخر الليل جثة مجهولة الهوية .
جرب تعرض على حد فيهم وظيفة حتى لو بسيطه و بدون مجهود لا يمكن يقبل ، لانها مستحيل تدخله نفس الدخل اليومي اللي بيوصل لالفات ،
الخلاصه
“المؤمن كيس فطن”
ماتبقاش فاكر نفسك بتعمل خير وانت بتساهم بمالك في جرايم، اي فلوس بتدفعها اعرف ان ممكن بتعين بيها مجرم خاطف طفل وحارق قلب ام، خليك ناشف قدام الاطفال و العاهات و العجزه دول عدة النصب الصدقات مكانها معروف والجهات الامينة معروفه وكتير ، عايز تعمل خير اعمله صح ماتستسهلش
النصب ده عالم اكبر مما تخيله مفيش شحات في الشارع دول عصابات منظمة .
الاقربون اولى بالمعروف
يعني اهلك جيرانك و الشارع و الحي و المستشفى ودار العبادة .
